#280: DanièlOlivar - Re: Re: Re: Re: Re: Re: Seul un vote populaire...

Su tout ço qu'afourtissès, save pa s'avès tort ou rasou, e m'engardarai be de vous voudre countrasta aici-dessubre: counouissès la situaciu prouvençalo mièl que noun pa ieu.

Uno causo que me fai douta: pensas à-de-bo que per capita foudriè au Couleitiéu "uno reflessiu poulitico e soucialo" ?

Me semblo que l'oucitanisme, desempièi mai d'un siècle, s'especialisè mai que mai dinc aquesto reflessiu poulitico e soucialo (cf. touto la pensado de Lafont), e pamens la resulto es gaire impressiounanto, que disès que sèn proche la mort de la lengo !

Mè belèu que din vosto pensado li aguè pa prou de poulitico din l'oucitanisme ? E quino poulitico seriè la bono ? A despart dau radicalisme independentisto, vese pa trop uno pensado que nous posque sauva (e l'independentisme, à moun avejaire, es impoussible perdequé li a ges de "nacioun oucitano" e ges de "pople oucitan")...

#286: Ive Gourgaud - Re: Re: Re: Re: Re: Re: Re: Seul un vote populaire...

Si que Lafont prepausèt una reflexion politica e sociala, mai me sembla que mau capitèt pr'amor d'una manca de contacte amb lo pòple. En realitat, pensi que çò que fan de son costat lo Collectiu Provença e l'occitanisme es complementari. Una cultura, per s'espandir, a de besonh a l'encòp de tradicions popularas e de reflexion politica e sociala. De còps, ai l'impression que l'occitanisme fai de l'intellectualisme mentre que lo Collectiu Provença fai dau populisme. Son dos excès.