Dempuei 40 o 50 ans que lo movement occitanista existis , e malgrat l'engatjament e lo trabalh remirable de mantuns militants e militantas sinceres e desinteressats , nos aurà pas escapat qu'es malurosament un fracàs terrible : disparicion de la lenga e indiferençia casi totala de la populacion .

Amb aquel resultat - e quin resultat ! - coma podèm de contunh pensar qu'avèm totjorn rason , coma podèm negar l'existencia d'autres movements , coma podèm pas dubrir los uelhs e nos demandar que se i a d'autres movements anti-occitanistas es benlèu perque avèm pas estat capables de capitar , coma podèm contuhnar de refusar lo dialòg en emplegar mai d'un còp de prepaus desagradius , coma podèm pas veire que non van pas desaparèisse deman e seran presents de segur longa mai !

Es vengut lo moment de botar las rancurs al riu e las ideologias dins lo placard ... per la lenga.

#230: cecilia - Ont anam ?

Vène de respondre au Segne Olivar su aqueste punt, e poudès juja que sièi de tout cor embé vous: la poulemico talo que po naseja aici (per ieu, embé D Olivar e B. Peiras) es causo NOURMALO e POUSITIVO: sèn pa pu de droulet per pa coumprene que las paraulo poulemico soun... poulemico! Toute lous "prepaus desagradius", es pa tant grèu que ço que pensas belèu... mè la poulemico noun sera pousitivo que si li a de mounde coumo vous per afourti que la situaciu de la lengo oucitano, es la resulto d'un abandou per lou pople (ailas) e (segoundàri mè tabé impourtant), dirièi, d'uno manco de sicoulougio (vesès que demore mesura!) de l'oucitanisme militant que s'es aliena 1) lous patesejaire (acusa, paures eles, de voudre tabé mena la lengo à soun cros! mè es be Mistral e sous ami qu'avièu acoumença la manobro, pa l'oucitanisme); 2) lous mistralen d'escrituro (de deseno d'annado à voudre minimisa l'obro, la pensado e la grafio de Mistral, pensas que se po escrafa d'un cop de "bono voulounta"?) e fin finalo 3) lous aparaire, coumo ieu, de la pluralita de LAS lengo d'o, non pa per ideoulougio anti-oucitano, mè per FACILITA D'INTERVENCIU.

Vaqui ço que nous desseparo (mè dise pa que li ague jamai agu d'agressiu anti-oucitano de la part d'aquestos tres categourio: li a, hou savès prou, de c...oudoun de pertout)

Lou proublemo qu'avèn aro, es qu'aqueste Manifesto per l'unita faguè prou lou countràri: ounte es l'"unita dau Felibrige" su la questiu? Ounte es l'"unita das aparaire de la(s) lengo nostro?"

Mè avès aici un proublemo d'estrategio qu'es à vautres, lous oucitanisto, d'aregla entre vautres.

Gramecis de vosto intervenciu qu'embé d'autros de la meno, fara belèu avança las causo...